بسم الله الرحمن الرحيم
شلونكم ! انشالله الكل طيب وبخير .....
اليوم راح اتكلم لكم عن Diptqyue يمكن بعضكم يعرفها! هي شركة مقرها باريس وتنتج لاين من الشموع المعطرة والعطور.
بدأت القصة diptyque في باريس في 34 شارع سان جيرمان *مسوين لاين عطور وشموع برقم هذا الشارع* . ثلاثة أصدقاء يقودهم نفس العاطفة و الآلهام و ذوق بالفن . كان كريستيان مصمم ديكور و الثاني هو ديزموند وكان رسام، وإيف كان مدير مسرح و مصمم . أول إثنين بالبداية تعاونوا و انتجوا ورق جدران وانضم لهم الثالث في عام 1961 وافتتحوا محل لعرض تصاميمهم . صار إيف مدير ومستشار، وكانت ديزموند وكريستيان هم الروح الفنية. شيئا فشيئا، مع ذوقهم وايجادتهم للفن في عام 1963 دخلوا بخط الشموع المعطرة وصارت بالأخير هي شغلهم الأساسي واللحين لهم اكثر من ٥٠ شمعة ....!
في عام 1968 أنتجت أول عطر لها Diptyque L'، وبعدها بالفترة بدوا ينتجون
عطور ومعطرات جو وصوابين وبعدها اصبحوا مشهورين .
هذي كانت قصتهم و اللحين قصتي :) جاني هدية قبل ستة شهور اتوقع !بالبداية حسيته عادي بعدين شميته على بابا وسحرني صار كل ما يمر اشمها ! وطول اليوم الريحة فيه واسأله يقولي جبت لك زيه وبعدها خلاص العطر سحرني هو Number 1 عندي ما تتصورن قد ايش ريحته حلوه ومميزه وما تروح و اذا عطرتي ملابسك ورجعتيها لدولاب يصير دولابك ريحته ... !
هذا هو حبيبي Diptyque L'ombre Dans L'eau
ريحته ورد التي تجي ثقيلة وفيها شوي ريحه نظافة وريحته عموما من الروائح الباردة وفيه ريحة خشب شوي !
مكوناته: نبات عنب الثعلب وردة البلغارية ...
سعر 100ml 125$
بعدها بالفترة رحت باريس و أخذت Floral collection كان توه نازل و limited edition *يعني فترة وينقطع* وتحمست اجرب شي جديد من عندهم.
Rosa Mundi Candle
أول شمعة لي من عندهم ! صراحة صدق الشمعة روعة نفس ريحة العطر بالضبط ريحتها مره قوية يعني ريحتها مره واضحة حتى وهي مطفيه ريحتها تشمينها ! بالنسبة لي قد جربت شموع جو مالون و ديبتك هذي اوضحهم ريحة *لما اقول واضحة قصدي إذا دخلتي الغرفة وانتي مشغلتها تشمين ريحتها علي طول مميزة!*
ريحتها ورد بس الي تجي الريحة الباردة وهادية و نوع الورد الي استخدموه كان يستخدومنه الأغنياء أيام زمان الي وقعوا بالحب !! *هذا كلام الي تبيع طبعا ;*) *
مره انصح الي يحبون الشموع يجربونها....
سعرها 65$
Eau Rose Perfume
ريحته نفس ريحة L'ombre بس بدون ريحة الخشب وأخف شوي !
حلو بالصباح و إذا تستخدمينه بالليل تخلطينه مع عطر قوي
سعره اتوقع 100$
Eau Rose Roll-On
نفس ريحة العطر بس على مركز أكثر مررره مبسوطة اني اخذته أولا عشان ريحته قوية وثانية فكرته جميلة تصلح للكلتش والشنط الصغيرة وعشان تكوينه على زيت اكثر فا تطول مرره ريحته ويستخدم بأماكن النبض !
سعره 48$
Eau Rose Hand Emulsion
صراحة ماخذته عشان أكمل الكولشين يرطب شوي وريحته مو قوية وميزته بس ان ريحته تطول باليد يعني غسلت يدي مرتين ولا راحت الريحة وبس ....
سعره 28$
وبكذا أكون خلصت البوست انشالله يعجبكم والكل يستفيد
هذا موقعم اذا ودكم تتعرفون أكثر عليهم
بالنسبة عن مواقعهم بالعالم
سبعة محلات في باريس ولندن ونيويورك وهونغ كونغ والدوحة ودبي وسان فرانسيسكو، وشيكاغو
وشكرا !
cozmoburqa@gmail.com
0 comments