من الأشياء الجميلة والمفضلة عندي بشهر يناير January ! ...
يناير أول شهر من السنة الميلادية الجديدة 2015 متفائلة جدا فيها انشالله !
طبعا في تغيرات كثير راح تصير بالمدونة و بحياتي نوعا ما و حبيت أشاركم فيها :)
نقول بسم الله :
الشوز LANVIN
الشوز هذا أعتبره أستثمار ناجح بالنسبة لي (عندي من سنتين ) و للحين ألبسة و شكله يعطي جديد .
أولا لونه أسود يعني ما ينعرف بسرعة و طبعا الأسود ما نستغني عنه يعني الأ ما يجيك وقت و تحتاجينه .
ثانيا موديله كلاسك و مودرن بنفس الوقت !
ثالثا نوعية الجلد ثقيلة (ما يتوسع الا بعد فترة طويلة من اللبس ) و ما يتمشخ (عشان الجلد قوي و لونه أسود ).
حبيته مره باللبس أنيق لأبعد الحدود و خاصة على العباية !
كنت أحوسه بالدولاب أدور شوز جديد و فجاءة لقيته لو شفتوا سعادتي ما تنوصف صراحة حسيت أني فنانة في الأختيار و التسوق :*) !
*دائم حطيها في بالك أول ما تشترين الشوز : ليه تبينه (استخدام يومي ، عزيمة ، فاشن، ودك بشوز جديد ) دايم اسألي نفسك هل الأسئلة لأن اذا جاوبتيها بتعرفين أيش تبين بضبط ولا راح تندمين على قرارك .
شمعة Jo Malone
Red Roses
ثاني وحده أستخدمها ريحتها جميلة شرقية غالب فيها الورد بشكل ملفت !
ساحرة بالشتاء لان ريحتها دافية و قوية
عموما شموع Jo Malone قوية وريحتها بارزة يعني بس تشغيلنها شوي يبان و ينتشر ريحة العطر على طول لقوة تركيز العطر فيها .
ندخل بالأكسسوارت و المجوهرات المفضلة لهذا الشهر :
سلسال TRINITY DE CARTIER
طبعا ما يحتاج أقول آنه من أجمل الأشياء الي اقتنيته لأن الوقت والمكان الي اشتريته منه جميل !
عجبتني تفاصيله و أنا ما ألبس غير ذهب اصفر أو الروز فسحرني ... ودي أن كارتير بكبره ساحرني P:
فخم و غير متكلف بنفس الوقت . عملي، يصلح استخدام يومي و للمناسبات الصغيرة .
الخاتم الذهبي (فنتج)
ما أعرف البراند و قديم ماخذته من ماما !
مره أحبه على أنه قديم بس شكله يعطي جديد يمكن لأن موديله غريب شوي
أحب ألبسه مع مجوهراتي الباقية (مسوي أكشن باليد لانه غريب و بنفس الوقت كلاس )
شيء حلو لما تلبسين شي مميز و غير عن المعتاد بين فترة و فترة لأن يحسسك بالتغير و التغير مطلوب !
بس انتبهي لا تلبسين اكسسوارت ( تكلفتها بسيطة ) مع المجوهرات لأنها بترخص قيمة مجوهراتك فحاولي لو تبين تغيرين يكون ذهب أو شغل نظيف و مرتب .
أسواره Somór
فكرة سعودية جدا جميلة !
(ش) من شهد ثاني وحده ألبسها من عندهم أعشق التفاصيل الي فيها و أكثر شي الخط العربي !
نجي للعطور :
بالنسبة لي العطور و الروائح بشكل عام مهمة بشكل كبير لي لأن دايم أربط ريحة الشخص بعطره و حتى الأماكن !
مو أحيانا تمر عليك ريحة عطر أو مكان و تذكرك بذكريات قديمة ! عشان كذا أحب ريحة كل شي حولي جميلة لأن الريحة المميزة سر الذكريات ...
عطر Ormonde Tobacco
من أفضل عطور سنة 2014
ريحته من اسمه تباكو (تبغ) جميلة و سحرتني !
العطر ريحته تمثلني بكل شي كذا راقية وهادية و بنفس الوقت ثقيلة وثابته . من مكوناته الأساسية (تبغ) و المتعارف عليه ريحة الدخان ( ما تعجبني ريحة الدخان أبد ) بس لأن هذا معه عود و خشب صندل و ريحة خشب الصندل لحالها حكاية ثانية معطي قاعدة قوية للعطر لما يبرد .
*أنشالله بكتب بوست كامل عن هل العطر لحاله ..
عطر Christian Dior
AMBRE NUTI
أحلى ريحة بالكولكشن بالنسبة لي !
شرقية وفرنسية بنفس الوقت و بالأفضل مبيعا بالنسبة للخليج ..
Top Note (أول ما تحطينه )
راح تشمين البرغموت (نوع من الحمضيات) معالج بشكل لطيف مع الزهور عشان يحتفظ بقوة عبيره .
Heart Note ( لما يبدأ يرد العطر )
بتشمين ريحة الورد الشوقية و معه زهور كثير ريحته فرش و قوية بنفس الوقت
Bace Note (قاعدة العطر و الريحة بردت بشكل نهائي )
عنبر من أسم العطر و العنبر المستخدم من النوع الثمين والنادر يكون مأخوذ بشكل طبيعي من الأرض !
ثباته عالي وريحته مميزه .
عطور للفواحه من The Body Shop
White Musk
ريحته بالضبط غيرت جو غرفتي !
أول مره استخدم عطورهم لغرفتي قوية و ثابته بالجو روائحهم يعطي الغرفة ريحة رايقة و هادية و قوية و لاحظت أني طول الوقت أشم الريحة ..
Aloe & Soft Linen
من اسمها ناعم و خفيفة الريحة تجي علي بودرة شوي تريح الأعصاب و تساعد بالنوم .
ندخل بالفقرة الأخيرة :
مناكير Rouge Louboutin
كنت أحسب أنه شكل بس طلع والله حلو (فنان) طبقة وحده تكفي !
طبعا أغلبكم يعرف القصة اللون الأحمر مع كرستيان ( يوم كان في محله في باريس كانت الي تبيع معه دايم تحط اللون الأحمر و منها أستوحى أن اللون الأحمر ملفت للمراءة و له سحره و مره أخذ منها الطلاء وجربه على أسفل الكعب و أنصدم كيف أن الكعب الكلاسيك الأسود أصبح مميز و ملفت بمجرد طلاء أسفله بالأحمر).
درجة الأحمر نفس درجة الي مستخدمها بأسفل الشوزات و أنتوا بكرامة
حبيته و أحتمال كبير أخذ زيادة لأن غير الأحمر عندهم ألوان مميزة كثير .
روج السائل من YSL
4
لونه طبيعي و جميل يشبه كثير لألوان ماك النود ثابته عجيب و ملمسه علي الشفايف حلو (مو مات و لا يلمع مره ) طبيعي !
محدد الشفايف YSL
6 Dessin Des Lèvres
نفس درجة الروج لأغمق .
قريب مره لدرجة ماك spicey و sour و ثابت ما يروح بسرعة أحطه أول بعدين الروج . طبعا يصلح لكل زمان ومكان !
الآيلاينر Guerlain
01
من أجمل الأيلانر الي أستخدمتهم فرشته مثل ريشة سهل بالنسبة لي !
سواده جميل يعطي طبيعي (مو مره أسود مثل لانكوم )
و لا أبهت بيعني بين وبين ، ثابت و القوام حقه هو الي لفتني خفيف يجي مثل الموية ! من زفضل الأيلانر لسنة 2014 بالنسبة لي ، و يصلح للصباح لان مو مره ثقيل و و يصلح بعد لليل بس يعطي لوك طبيعي .
و أخيرا ...
ملف الورق الجميل و الدفتر من BamBola
أتمنى أنكم حبيتوا البوست و بأذن الله راح يصير كل شهر :)
عندكم سؤال أو ملاحظة !
Cozmoburqa@gmail.com
0 comments