تحربتي مع Lati Fashion
By CozmoBurqa - February 01, 2015
اليوم البوست تغير عن المعتاد !
حبيت التعاون مع Lati Fashion وحبيت التجربة و طبعا مثل دايم أي شي يعجبني ويسحرني راح أشاركم فيه ...
بوتيك Lati متعودة من زمان عليهم و على تعاملهم الجميل و الأجمل صاحبته لطيفة !
و مره معروفين بذوقهم الراقي و البراندز الي مختارينها رائعة و أسعارها مناسبة للأغلب ودايم ذوقهم مميز ... أحبهم
لطيفة (صاحبة المحل ) مره حضرت أفينت للمحل صراحة ما كنت أعرفه مره بس يوم قابلتها كل فكرتي عن المحل تغيرت حبيت البيئة الي ابتكرتها بيئة مريحة و جميلة تغير عن الي دايم نتعامل معهم عجبني رقي التعامل وفنانة أنها خلقت نفس بيئة التسوق بس أونلاين Lati Fashion
طبعا قبل ما ابدأ كان شرف لي التعاون معهم و سعيدة جدا باختيارهم لي ..
في هذا البوست راح أحاول أكون ملمة بكل التفاصيل فاراح يكون طويل شوي :)
نقول بسم الله
بالبداية هذا موقعهم Lati Fashion
*صح نسيت أقولكم عندهم خصم جميل بهل الفترة
كثير بنات و أنا منهم ! ما أحب أو أخاف أتسوق أونلاين (أحب ألمس و أحب أقيس) و صراحه موقع Lati بدون مبالغة حسيت براحة وثقة كبيرة أولا الي تخاف من اللغة هم مسهلينها مره (عربي و English ) و على المقاس و أنا أطلب و يوم وصل طلبي صدمني كيف أن المقاس مضبوط ، بالضبط كانت تجربة ناجحة بالنسبة لي :**)
هذي الصفحة أول ما تبدأين التسوق
طبعا تسجلين تسجيل عادي بس يطلب أيميل و باسورد و بالنسبة للعنوان بيتكم (اذا مو عارفة أو خايفة تغلطين روحين Google Map و أنتي في بيتكم سوي بحث عن موقعك و راح يطلع عنوانك بالتفصيل الممل بعد P: سوي نسخ لصق و كل شي بيضبط )
اللحين بقولكم ليه سحروني !!
زي ما أنتوا شايفين يريحون الا أبعد الحدود
حابين يعرفون أيش أنتي تبين بالضبط عشان يسهل عليك الأختيار (طبعا هذا أختياري مو ألزامي )
و اللحين أخترتي الفستان (مو جميل الفستان ! ) ترى البراند الي مختارتها كثير من هوليود لابسين منها و يوم لبست الفستان عرفت ليه ! ماريا لوسيا هوهان )
تختارين مقاسك (اللحين يجي الفن)
تلقين مكتوب جنبه دليل المقاسات تدخلينه
موضحين لك كل براند و نوعية المقاسات مثلا براند ماريا لوسيان ، لو أنتي تلبسين 40 تاخذين مقاس 40 يعني مقاسك بالضبط !
و لو براند ألفريد سانج مقاسك 40 تاخذين 38 لأن بالصدق مقاساتهم أكبر من الصحيح
يا ررب فهمتوا :)
هنا لو أنتي أصلا مو عارفة مقاسك هذا الجدول بيسهل المهمة عليك !
أخيرا مسوين شي حلو !
تشوفين أي جسم أنتي و تدخلين على اي فستان و بتشوفين هل هو مناسب للشكل جسمك أول لا ...
و اللحين نرجع للفستان الجميل
حبيت التفاصيل الي حاطيتها (سحرتني! )
جنب كل فستان كاتبين رأي فريق لاتي بالفستان و نبذة بسيطة عن مصمم الفستان .
حلو أنك تتسوقين و تثقفين بنفس الوقت مثل ما قلت لكم (بيئة جميلة مريحة )
و خلصنا من بارت التثقيفي الممتع :) نجي للبارت الطلبية و الأشياء الجميلة !
ووصلت الطلبية خلال 3 أيام !!
تشوفون الفن بالباكيج حسيته بيطلع هدية جميلة ( أعترف للحين ما رميت العلبة و الأشياء الي جواتها و كذا ! :) يا رب مره مبسوطة و أنا أكتب البوست أحس بصدمتي السعيدة أول ما وصلت كذا تعرفون معنى كلمة أبهروني مشتقة من كلمة أنبهار : أعجب به ودهِش منه وتحيّر هذا وصف دقيق لحالتي !!)
و عندهم خدمة حلوة !
طبعا يسون كارد و يطبعون عليه ألي تبينه ! ( حكمة اليوم المكتوبة )
وفي ملاحظة :
أول ما يوصل الفستان راح تلقين هذا التاغ لا تشيلينه عشان هذا شرط الترجيع
. هذا الورقة تجي مع الطلبية انتبهوا لأن فيها خطوات الأرجاع أو التبديل
أذا عجبكم البوست و حسيتوا أنكم استفدتوا اتفضلوا بالبوست الي بعده
في مفاجأة تنتظركم !
:)
0 comments