مساء الخير
..شلونكم ! انشاالله أنكم كلكم طيبين وبصحة وعافيه
اليوم راح اسويلكم ثاني ريفيوا واتمنى انكم تستفيدون ويصير عندكم خلفية اكبر عن منتجات لش
طبعا كلكم او اغلبكم عارفين لش وان كل منتجاتهم عضوية وطبيعية ولم تتم تجربيتها على الحيوانات وهذا سبب من اسباب شهرتهم. هي كشركة جدا جميلة وبسيطة ومن الاشياء الحلوة فيهم ان كثير منتجات عندهم تستخدم أكثر من إستخدام واحد، يعني لو انتي من النوع الي ما عنده وقت او ما يحب يستخدم كم شي هذي افضل شركة لكم!
من اكثر المحلات الي استمتع لما ادخلها من الروائح الجميلة وكذا تروق وتحسين انك بجو غير السوق الي انتي فيه
انا دايم اروح فرع المملكة تعاملهم جدا جميل عنده استعداد يشرح لي كل الي بالمحل
.ولهم فرع بالفيصلية والعليا *الرياض
لش جميل تشترين منه لانه احسه تغير عن كل شي نستخدمه اول
يعني اذا انتي مليتي من روتينك بالعناية او روتينك اليومي العادي جربي لش وبتحسين انه فيه تغير
! تغير للاحسن طبعا
في كثير منتجات طريقتها وشكلها وكيف استخدامها جدا جميل وغريب
اسعارهم حلوة مرره ما احس فيها خسارة بس مشكلتهم الوحيدة اشيائهم دايم تخلص بسرعة
كانهم دارين اني برجع واشتري :p
يالله نبدأ :
:المستطيلة * HONEY I WASHED THE KIDS
صابون صلب حلو ريحته عسل ترطيبه حلو بس مو واو، واحسه صدق ينظف زين :) عجبني يمكن هذي المره الثالثة اخذ منه وهو من اكثر المنتجات مبيعا عندهم اول مره استخدمته ريحته وترطيبه مره حلو بس المرات الباقية عادي يمكن عشان اول مره. طريقة استخدامه زي الصابون الصلب العادي .
سعره SR38 / 100g *دايم اخذ منه ٢ لانه صدق يخلص بسرعه.
BODY BUTTERS * اليد والقلب :
زبدة للجسم مررا حبيتها جميلة مره واستخدامها اجمل ،اول ما تخلصين نشفي نفسك شوي يعني بقي موية شوي بجسمك بعدين استخدميها. جدا بسيطة وما تاخذ وقت ابدا يعني لو مستعجله وما عندك وقت استخدميها. ترطيبها اعلى من اللوشن العادي عشانها زبدة وتمتصها الجسم بسرعة. ريحتها حلوه وتمسك معك. اللي على شكل يد (ريحتها نظافة) ثاني مره اشتريها، استخدمتها تقريبا ٧ مرات واللي على شكل قلب ريحتها شوكلاته مره لذيذه مو ثقيلة ابد.
اسعارهم مو متاكدة بس مو أكثر من SR50.
Twilight :
هذا number 1 بلش بالنسبة لي. اسمه bath bomb، اذا انتي تعشقين البانيو ومن النوع الي تريحين اعصابك فيه لازم تجربينها! صراحة مره صدمتني بوصف لكم وش يصير وبحط لكم فيديو بعد :**)
تشغلين الموية دافية وتملين البانيو بعدها ترمينها بالبانيو وهينا يبدا السحر كذا تطلع منها رغوا والموية تصير ازرق على بينك وفيها قلتر شوي وريحها الحمام تقلب لافندر ، مو فنانة بالتعبير ابدا :( بس صدق تستحق التجربة بكل مافيها واحتمال جدا كبير انك تدمنينها! بالنسبة لي ما قدر استخدم البانيو بدونها.
فيه انواع كثير وفوائد كثير لها يعني غير الوناسة في بعد فوائد طبعا! twilight مهدئة للأعصاب وفي منها بالورد و فيتامين C وفيه انواع كثير راح اسوي لكم رفيو عنها انشاالله.
من فوائد أملاح الاستحمام ان لها تأثير في استرخاء الجسم والنفسية لانه فيها روائح انتي تختارينها على حسب الي تحبين وعلى حسب الي يريح اعصابك مثل الايكولبتاس واللافندر وحتى ألوانها يختارونها على حسب مزاج الشخص الي بيشتريها.. كما في علم الالوان اللى اثبتو تاثيره فى المزاج !
سعرها SR38 ممكن تقسميتها نصين وتستخدمينها على مرتين .
*ونعطيه براءة أختراع :)
وهذا الفيديو
COCO LOTION :
يستخدم لليد والجسم ترطيبة وسط، زبدة الجسم افضل بكثير! ريحته ما حبيتها ابد! ما راح ارجع اشتريه مره ثانية.. فيه شي واحد بس عجبني فيه، انه البشرة تمتصه بسرعة وبس، وطبعا يخلص بسرعة يمكن استخدمته ٧ مرات مع ان العلبة الحجم الكبير.
سعره مو متاكده يمكن SR145 وحجمه 250g .
OCEAN SALT :
مقشر للجسم والوجه عجبني مره!! اول ما يخلص برجع اخذ منه! مقشر مره كويس للوجه اكثر من الجسم، مره احسه ينظف زين ويرطب بشكل ما تتوقعون ويعطي انتعاش جميل، من الاشياء الحلوة بلش .
انا ما استخدم مقشرات كثير بس هذا عجبني اول شيء لان كل مكوناته طبيعيه، وثاني شيء يشيل القشور الي بالوجه خاصة في مناطق التي زون ما يسبب جفاف نهائيا ويعطي احساس جدا جميل.
سعره SR140 /250g .
 |
| ما بقى شي ويخلص مره انصح فيه ويناسب جميع البشرات *بشرتي مختلطة |
وبكذا حبايبي خلصنا البوست
هذا موقعهم يعرفك اكثر على منتجاته
وانشاالله يكون عجبكم وتستفيدون منه
واذا عندكم استفسار او اي شيء انا موجودة لكم
ايميلي cozmoburqa@gmail.com
الانستقرام cozmoburqa
وشكرا على وقتكم .
0 comments